GŴYL y Pentref Syrcas

13 / 14 / 15 / 16 ebrill

(Bydd SABOTAGE yn agor cyn yr ŵyl, ar 7 Ebrill)

Mae naws SABOTAGE yn dywyllach, yn fwy garw ac yn fwy chwyldroadol na sioeau syrcas gyfoes mawreddog arferol NoFit State. Yn ôl yn y Big Top, gydag eitemau newydd syfrdanol, cerddoriaeth wreiddiol, offer newydd a theimlad mwy theatrig. Dyma sioe syrcas gyfoes sy’n eich bywiogi, yn codi’ch calon ac sy’n gymdeithasol-berthnasol. 

Does dim byd yn SABOTAGE i’w wneud yn anaddas i blant ond nid yw wedi’i wneud yn benodol i blant.

Tocynnau: £18 Pris Llawn | £14 Consesiwn | £55 Teulu o 4

13 / 14 / 15 ebrill

Mae The Wing Scuffle Spectacular yn dathlu ofn. Mae ofn yn rhan hanfodol o fywydau pawb ohonom ond anaml y byddwn ni'n dathlu yr hyn mae'n ei wneud i ni. Hebddo, sut allwn ni ddysgu neu dyfu fel pobl? Mae The Wing Scuffle yn fflyrtio mewn ffordd hwyliog, abswrd â'r hyn na allwn ei osgoi gan lawenhau yn ein gallu i wrthsefyll ofn, a'n gallu i wneud sbort am ei ben.

Mae The Wing Scuffle Spectacularyn addas i bobl o bob oed ac yn boblogaidd gyda phobl ifanc.

Tocynnau: £16 Pris Llawn | £12 Consesiwn | £47 Teulu o 4

13 / 14 ebrill

Man cyfarfod celfyddydau awyr-agored a syrcas mewn pabell! Ymunwch â pherfformiad cyntaf y profiad unigryw hwn a chewch flas ar bopeth sy’n digwydd y tu ôl i’r llenni. Cyn dechrau'r sioe, rhaid codi'r Big Top, rhoi prawf ar ddiogelwch y trapîs, a lefelu'r llwyfan rhag i'r beiciwr un olwyn fynd bendramwnwgl. Fe welwch berfformiadau syrcas anhygoel yn yr awyr agored ac o dan gynfas ac fe deimlwch yn rhan o’r gwaith creu. Dyma sbloet i godi’ch calon a’ch difyrru tan y diwedd.

Mae'r sioe yn addas i deuluoedd - peidiwch â phoeni!

Tocynnau: Talwch Fel y Teimlwch (£0, £1, £2.50, £5, £10 y tocyn)

13 ebrill

Sioe syrcas amgylchol sy'n cynnwys comedi dywyll a theatr ddawns yw Bitchcraft. Mae'n ymdrin â Gwrachyddiaeth, Ffeministiaeth a Hysteria am Wrachyddiaeth.  Mae ynddi goreograffi gyfoes, ddefodol, awyr-raffau, y grefft o hongian wrth y gwallt, olwyn Cyr a cherfluniau tân rhyngweithiol mewn sbloet syfrdanol! Cyflwynir y sioe Ymchwil a Datblygu dros 5 diwrnod gan Kitsch & Sync Collective; Kylie Ann Smith a Kim Noble gydag Esther Vivienne Fuge, Claire Crook a Stuart Bawler o Hummadruz....
'Allwch Chi Ddim Llosgi Merched a Wnaed o Dân!'

Mae'r sioe yn addas i deuluoedd - peidiwch â phoeni!

Tocynnau: Talwch Fel y Teimlwch (£0, £1, £2.50, £5, £10 y tocyn)

15 / 16 Ebrill

Dangosiad o waith sydd ar y gweill yw Turk(ish). Mae'n ddarn hunangofiannol sy'n defnyddio cyfuniad o gerddoriaeth fyw, syrcas gyfoes a straeon i drafod safonau harddwch Gorllewinol a'r ffordd y mae pobl yn ymgodymu â'u hunaniaeth.   

Mae i'r sioe hon ganllaw oed o 12+ gan fod ynddi rywfaint o iaith gref.

Tocynnau: Talwch Fel y Teimlwch (£0, £1, £2.50, £5, £10 y tocyn)

8pm - nos sadwrn 15 ebrill

Bydd y Village People Circus Cabaret yn cynnwys y perfformwyr a’r artistiaid mwyaf rhyfygus a hynod a fu'n rhan o'r Pentref Syrcas yn y cyfnod cyn yr ŵyl. Ymunwch â nhw am un noson yn unig wrth iddynt ddod yn ôl at ei gilydd i ddangos casgliad amrywiol o eitemau syrcas gyfoes – peidiwch â'i golli.

Caiff rhagor o fanylion am y sioe eu datgelu yn nes at yr amser.

Addas ar gyfer pobl 18+ 

Tocynnau: Pris Llawn £10 | Consesiwn £8

dydd sadwrn 15 ebrill

Mae croeso i bawb ymuno â ni ar safle GŴYL y Pentref Syrcas yn Abertawe ar gyfer ein Diwrnod o Hwyl Am Ddim i’r Teulu ddydd Sadwrn 15 Ebrill! 

Cewch fwynhau hwyl y syrcas ar Barc y Rec, Abertawe, yng nghanol pebyll syrcas Big Top. Bydd llu o weithgareddau syrcas hwyliog i blant o bob oed, perfformiadau difyr yma a thraw, a gwesteion arbennig a gaiff eu datgelu yn nes at yr amser. 

Bydd y safle’n agor am 10.30am, a pheidiwch â phoeni, bydd ein Caffi a'n Bar ar agor fel y gallwch gadw i fynd drwy’r dydd. 

Bydd llawer o berfformiadau awyr agored am ddim, ond os hoffech fwynhau hyd yn oed ragor o syrcas ac na allwch wrthsefyll galwad y Big Tops, gallwch brynu tocynnau to SABOTAGE gan NoFit State Circus (4pm) a The Wing Scuffle Spectacular gan Revel Puck Circus (1.30pm).